School bags and stationary donation

පාසැල් දරුවන් වෙනුවෙන් ලැබුණු මේ බෑග් සහ අනෙකුත් උපකාරණ අධිකාරීගම මේරිමවුන්ට් පාරේ දරු පිරිසකට බෙදාදෙන්නට යෙදුනා. ඒ අවස්ථාවේ දරුවන් ලද සතුට දැක කඳලු සැලූ අයද සිටියා. උපකාර වන හැමෝටම පින් හා දිගාසිරි පතනවා.

 

Donation of cow (Chiththi)

අද අප්‍රේල් 8 වැනි ඉරිදා මේ වැස්සි පැටියා තමයි නිදහස් කරන්න සිදුවුනේ. ඇය චිත්තී නමින් නම් කර මදුර්සා නම් වූ කාන්තාවට පරිත්‍යාග කළා. ඇය හරිම හුරුබුහුටි දරුවෙක් කියලාමයි මට හිතෙන්නේ. දෙසීයකට ආසන්න ගවයින් පිරිසක් මෙසේ නිදහස් කරන්නට හැකි වූ අතර ඒ ගැන සිතා සතුටු වන්නෙමි. එසේම මේ පින්කම් මාලාව සඳහා අතහිත දෙන හැමදෙනාටම අපගේ කෘතවේදීභාවය පළ කරසිටිමි.

Donation of 40 food parcels

අප්‍රේල් 8 වැනි ඉරිදා නම් වූ අද දින බොහෝමත්ම වටිනා වියළි ආහාර ද්‍රව්‍ය පාර්සල් 40 සඳුන් අරණ සෙනසුන ආශ්‍රිත අයට බෙදාදෙන්නට කටයුතු යෙදුවා. නිස්සරණධ්‍යාශයෙන් යුතුව කටයුතු කිරීම සසරින් උරුම වූ දායාදයක් බැවින් එය ඉමහත් ශක්තියක් වේ.

 

 

වාසනා නිශාදි දියණිය

ඊයේ අපි වැඩම කළේ හදිසි අනතුරක් නිසා මොළයට හානි වී දැන් සුවපත්භාවයට පත්වෙමින් සිටින වාසනා නිශාදි දියණිය බලන්නයි. ඇය 2016 අපොස සා/පෙළ විභාගයෙන් හොඳින් සමත්ව උසස් පෙළ සඳහා පාසැල් යන අපේක්ෂාවෙන් සිටියදීයි මේ අනතුරට ලක්වූයේ. අපගේ උත්සාහය වන්නේ සම්පූර්ණ සුවය ලබා පාසැල් කටයුතු නැවත ආරම්භ කිරීම පිණිස උපකාර වෙන්නයි. ඇයගේ කටයුතු වෙනුවෙන් රුපියල් 50000/- පියාණන් අතට දෙන්නට අපට හැකියාවක් ලැබුණු අතර ඒ වෙනුවෙන් උදව් උපකාර වූ අයට කෘතවේදීභාවය පළ කරසිටිමි.

ගර්භනී මව්වරුන්ගේ පින්කම

ජනවාරි මස 14 වැනිදා එනම් අද දින වාද්දූවේ සරණතිස්ස මාවතේදී ගර්භනී මව්වරුන්ගේ පින්කම දියත් කළා. ජයා එදුස්සූරිය, මනෝජි ද සොයිසා ඇතුලු හිතමිතුරන් රාශියකගේ උපකාරයෙන් සංවිධානය කරනු ලැබූ මේ වැඩ සටහනට මව්වරුන් 63 දෙනෙක් සහභාගී වුනා. මහා මංගල සූත්‍රය, මහා චුන්දත්ථේර බොජ්ඣංග සූත්‍රය, කරණීයමෙත්ත සූත්‍රය හා ජය පිරිත සජ්ඣායනා කර ආශීර්වාද කළා. අනතුරුව පවුල් සංස්ථාවේ සහජීවනය උදෙසා උපකාර වන ප්‍රායෝගික කරුණු කිහිපයක් මා විසින් සාකච්ඡාවට ලක්කරනු ලැබුවා. විශේෂ දේශනය පවත්වන්නට යෙදුනේ ආයුර්වේද වෛද්‍යවරියක් විසින්. දහවල් ආහාර වේල තම තමන් අභිමත පරිදි නිදහසේ ගන්නට පසුබිම සකස් කොට තිබුනා. ඉන් අනතුරුව ගෞරවණීය එප්පාවල සාගරසුමන ස්වාමීන් වහන්සේ විසින් අගනා දේශනාවක් කරන්නට යෙදුනා. අවශ්‍යතාවන්ගෙන් සමන්විත රුපියල් 9000ක් පමණ වටිනා පාර්සල් පරිත්‍යාගය අවසානයේදී සිදුවූවා. මේ පින්කමට කරදුන් සියලු දෙනාට පින් හා දීර්ගාසිරි ප්‍රාර්ථනා කරනවා

 

Saving life of a cow

මේ සදී හරි ලෙන්ගතුයි අහිංසකයි. එයාව නිදහස් කරගෙන, නාදන්ට දුන්නා. නාදන්ට ඉන්නවා වකුගඩු රෝගයෙන් පෙළෙන දරුවෙක්. ඒ දරුවාටත් සදී ශක්තියක් වෙනවා ඇති. මාස්පතා කරුනු ලබන මේ පින්කමට දායක වන හැමෝටම කෘතවේදීභාවය පළ කරනවා.

 

 

Donations to School students

බොහෝ දෙනාගේ උදව් උපකාර ඇතිව දරුවන් 70 දෙනෙකුට පමණ පාවහන්, හා පාසැල් උපකරණ බෙදාදෙන්නත්, රසවත් ආහාර වේලක් සපයා දෙන්නත් අපට අවස්ථාව උදාවුනා. සඳුන් අරණ සේනාසනයේදී මේ මහඟු කටයුත්ත සිදුවූ අතර අහම්බෙන් මහාචාර්ය මයික් සෙඩ්වික් මහත්මා සහභාගී වුනා.
අපට හිතාගන්න බැරිතරම් පුදුම විදියට කටයුතු සංවිධානය පුලුවන් වුනා. ලැබුනු බෑග් පිටේ එල්ලගෙන ඒ දරුවන් සතුටින් සිටිය හැටි දුටුවාම බොහෝ දෙනෙකුට කඳුලු උනනු මා දුටුවා.
දෙසිය දෙනෙකුට පමණ ආහාර සකස් කළ අතර පන්සිය දෙනෙකුට වැඩි පිරිසකට ආහාර සපයා දෙන්නට හැකි වුනේ කොහොමද කියා මට හිතාගන්න බැහැ.
මේ සඳහා විවිධ අන්දමින් සහයෝගය දුන් හැමෝටම අපගේ කෘතවේදීභාවය පළ කරසිටිනවා.

https://www.facebook.com/photo.php?fbid=10215054411814869&set=a.3486120872898.2162711.1267702068&type=3&permPage=1