ගල්බංගලාවේ, සෙත්මැදුර දරුවන්හට පරිත්‍යාග කිරීම

කුණ්ඩසාලේ, ගල්මඩුව, ගල්බංගලාවේ, සෙත්මැදුර දරුවන්හට රාත්‍රී ආහාර වේල ලබාදෙන්නට කටයුතු සිදුවෙනවා. එහිදී දරුවන්හට පරිත්‍යාග කරන්නට අපේක්ෂිත දෑ මෙසේ මාවෙත එවන්නට කණිෂ්කා දූ කටයුතු කළා. විශේෂ අවශ්‍යතා ඇති ඒ දරුවන්ගේ අභිවෘද්ධියට හේතුවන අධ්‍යාපන වැඩ පිළිවෙලක් වෙනුවෙන් සම්පත්දායක චරිත හඳුනාගන්නට අපි කටයුතු කරනවා.
දීප ව්‍යාප්ත වැඩ පිළිවෙලකට උරදෙන්නට අපේ දරුවන් කැපවනු ඇත.

Children of Sethmedura are very happy to have friends yesterday. Sethmadura is a home for 17 special need children. It is very clean and you find lovely behaviour patterns of these children. We are happy to ask you to pay a visit and do whatever worth for growth of these children. Sethmedura is about 9 kilometres from Kandy. Address of this place is……
“Seth Madura”, Galmaduwa Vihara Road, Kalapura, Naththaranpotha, Kandy

ගර්භනී මාතාවන්ගේ දහම් වැඩ සටහන

ඇන්ටන් අයියා හා කනක අක්කාගේ මූළිකත්වයෙන් අද දින ගර්භනී මාතාවන්ගේ දහම් වැඩ සටහන පවත්වන්නට යෙදුනා. උදේ 9.20 පිරිත් දේශනා කොට පවුල් සංස්ථාවේ වැදගත්කම හා වගකීම් සම්බන්ධ සාකච්ඡාවක් කළා. 
අපට දානය පිරිනමන්නත් ඒ අය සතුටින් ඉදිරිපත් වුනා. බොහෝම රසවත් ආහාර වේලකින් සලකන්නත් ලැබුනා. අවසානයේ වටිනා කළමණා සහිත පිරිනමන්නට හැකි වුනා.

Donation to 150 kids

2019 ජනවාරි පළමු වැනිදා දරුවන් 150 දෙනෙකු සඳහා පාසැල් පොත් බෙදා දෙන්නට කටයුතු කරනු ලැබුවා. ගෝමරය කණිෂ්ඨ විද්‍යාලයේ දරුවන් වෙනුවෙන් අවශ්‍ය සපත්තු පරිත්‍යාග කරන්නට අපි කටයුතු සංවිධානය කරගන්නවා. මේ සඳහා උදව් උපකාර කළ සියලු දෙනාටම අපගේ කෘතවේදීභාවය පළ කර සිටිනවා.

පාසැල් දරුවන්හට බත් පාර්සල්

පාසැල් දරුවන්හට බත් පාර්සල් බෙදාදෙන්නට අපි කටයුතු කළා. ගෞරවණීය ලක්ඛණ ආයුෂ්මතුන් වහන්සේ කළ කැපකිරීම් කෘතවේදීව සිහිපත් කරනවා.

Donation of two cows

කමලදාසන් නම් වූ දෙදරු පියෙකුට ගවයින් දෙදෙනෙකු පරිත්‍යාග කළා. සිතු හා සනූ කියලයි මේ දෙන්නා නම් කළේ. මේ පින්කම දිගින් දිගටම කරගෙන යන්න සහයෝගය ලැබෙන බැවින් හරි සතුටුයි.

Stationary items donation for School children

ගෝමරය ප්‍රදේශයේ දරුවන් වෙනුවෙන් පාසැල් උපකරණ පාර්සල් 30 සකස් කොට පරිත්‍යාග කරන්න ඊයේ කටයුතු කළා. දහම් පාසැල් නිසා දරුවන් නොපැමිණි නමුත් ඒ ඒ දරුවන්හට ඒවා ලැබෙන්න කටයුතු කළා. අධ්‍යාපනය උදෙසා යමක් කිරීමෙන් ලැබෙන සතුට ඔබ හැම සමඟ මෙසේ කරුණාවෙන් බෙදාගන්නයි මා කල්පනා කළේ.

School bags and stationary donation

පාසැල් දරුවන් වෙනුවෙන් ලැබුණු මේ බෑග් සහ අනෙකුත් උපකාරණ අධිකාරීගම මේරිමවුන්ට් පාරේ දරු පිරිසකට බෙදාදෙන්නට යෙදුනා. ඒ අවස්ථාවේ දරුවන් ලද සතුට දැක කඳලු සැලූ අයද සිටියා. උපකාර වන හැමෝටම පින් හා දිගාසිරි පතනවා.

 

Donation of cow (Chiththi)

අද අප්‍රේල් 8 වැනි ඉරිදා මේ වැස්සි පැටියා තමයි නිදහස් කරන්න සිදුවුනේ. ඇය චිත්තී නමින් නම් කර මදුර්සා නම් වූ කාන්තාවට පරිත්‍යාග කළා. ඇය හරිම හුරුබුහුටි දරුවෙක් කියලාමයි මට හිතෙන්නේ. දෙසීයකට ආසන්න ගවයින් පිරිසක් මෙසේ නිදහස් කරන්නට හැකි වූ අතර ඒ ගැන සිතා සතුටු වන්නෙමි. එසේම මේ පින්කම් මාලාව සඳහා අතහිත දෙන හැමදෙනාටම අපගේ කෘතවේදීභාවය පළ කරසිටිමි.

Donation of 40 food parcels

අප්‍රේල් 8 වැනි ඉරිදා නම් වූ අද දින බොහෝමත්ම වටිනා වියළි ආහාර ද්‍රව්‍ය පාර්සල් 40 සඳුන් අරණ සෙනසුන ආශ්‍රිත අයට බෙදාදෙන්නට කටයුතු යෙදුවා. නිස්සරණධ්‍යාශයෙන් යුතුව කටයුතු කිරීම සසරින් උරුම වූ දායාදයක් බැවින් එය ඉමහත් ශක්තියක් වේ.