සියලු දෙනාගේ අධිෂ්ඨාන බලයෙන් වැස්ස නතර වේවා!

උවදුරු මඟහැරේවා යන චේතනාව අධිපති කරගෙන අධිෂ්ඨානපූර්වකව සත්‍යක්‍රියා කරන්නට මා හැමවිටම උනන්දු වන්නේ රටින් බැහැරව සිටින මාහට කළ හැකි හොඳම මෙය නිසාවෙනි.

උදව් උපකාර වන සියලු දෙනාට යෝධබල – යෝධ ශක්තිය ලැබේවා!

මේ විපත් කරදර ආරංචි වූ මොහොතේ පටන් මා බුදුගුණ ඇසුරින් සත්‍යක්‍රියා කරනවා. අදත් උදේ 4.30 අවදි වී භාවනා කර සත්‍යක්‍රියා කළා. මේ විපත් දුරුවේවා යන පරමාධ්‍යාශයෙන් සත්‍යක්‍රියා කරන්නට මේ බුදුගුණ ආශීර්වාදය OneDrive එකෙන් download කරගන්න. ශ්‍රී ලංකාද්වීප සියලු වැසියන්ගේ දුක් කරදර දුරුවේවා!

Meya download kara e esurin lankawasi hema denatama seth pathanna.

කෘතවේදීභාවය පළකරමි

මේ වෙලාවේ මා වැඩ සිටින්නේ අමෙරිකාවේ Phoenix වල. Alison තමයි අපගේ වැඩ සටහන් සම්බන්ධීකරණය කරන්නේ. දැන් මා Viber හරහා අපගේ පූජනීය බ්‍රාහ්මණගම මුදිත නාහිමිපාණන් වහන්සේට කතා කළා. මේ වෙලාවේ වැඩ සිටින්නේ ශ්‍රී ලංකාවේ සිද්ධමුල්ල සංඝාරාම රජ මහා විහාරයේයි. Michigan Great Lake විහාරය ආරම්භ කළේ අපගේ පූජනීය මුදිත නාහිමිපාණන් වහන්සේයි. http://www.glbvihara.org/about.html

මා ගිහි කාලයේ පේරාදෙනිය සුබෝධාරාමයේ ශ්‍රී ඤාණාලංකාර ජාත්‍යන්තර භික්ෂු පුහුණු මධ්‍යස්ථායේ උගන්වන සමයේ එහි පරිවේනාධිපති වශයෙන් කටයුතු කළේ අපගේ මුදිත ස්වාමීන් වහන්සේයි. අපට බොහෝමත්ම හිතෛෂී වටිනා ආදර්ශවත් නාහිමිපාණන් වහන්සේ කෙනෙකු බැවින් අපගේ හදපිරි කෘතවේදීභාවය පළ කරන්නයි මේ උත්සහ කරන්නේ.

2006 වසරේදී Michigan Great Lake විහාරයේ වැඩ සිටිනා අවස්ථාවේ Alison ගේ පියාණන් Heart Arrest කියා දැනගන්න ලැබුනා. Seattle වල රෝහල් ගතව සිටින ඒ පියාණන්හට Michigan වල සිට Telepathic Healing Session එකක් කළා. එය සාර්ථක වුනා. මේ අත්දැකීම කෙරෙහි උනන්දු වූ Alison – Scotland – Edinburgh State University එකේ Telepathic Healing PhD එකක් කළා. අද මා මේ කතාව අපගේ ගෞරවණීය මුදිත නාහිමිපාණන්හට මතක් කළා.

අද අපගේ මේ මෙහෙවර සාර්ථක කරගන්නට ඉමහත් ආදර්ශයක් හා අනුබලයක් වූ පූජ්‍ය බ්‍රාහ්මණගම මුදිත නාහිමිපාණන් වහන්සේ ගෞරවාදරයෙන් සිහිපත් කරමින් කෘතවේදීභාවය පළ කර සිටිනවා.

Ven Seelagawasi Maha Thero- Buduguna Ashirwadaya

මේ දුර්ලබ සුත්‍ර ඔබට ඉදිරිපත් කිරීමෙන් රැස්වන යම් කුසල් සංස්කාරයක් වේද එය මේ හඬපට බෙදාදුන් පුජ්‍ය වැල්ලවත්තේ සීලගවෙසි ස්වාමින්වහන්සේටත් ,මටත් ,මගේ දෙමාපියන්ටත්,මගේ පව්ලටත් ,සියලු ඤාති හිත මිතුරන්තට් මේ ජීවිතයේදීම උතුම් වූ චතුරර්යසත්යොවබෝදය පිණිසම හේතුවේවා,හුදෙක් ධර්ම දානයක්ම වේවා

 

 

Ashirvadha for Sachini

මා ඔබගෙන් අපේක්ෂා කරන ලොකුම ලොකු උදව්වක් වේ. සචිනි දූට Chemo දෙකක් දී Bone marrow zero කර bone marrow transplant එකක් කරන්න වෛද්‍යවරුන් උනන්දුයි. ඒ සඳහා සචිනි දූ බොහෝ සෙයින් ශක්තිමත් විය යුතුයි. ඇය තමාට අවශ්‍ය ශක්තිය ලබන්න තරම් ආකර්ශනශීලි විය යුතුයි. ඇය ශක්තිමත් කරන්නත්, ඇයගේ ආකර්ශනශීලී ස්වභාවය වැඩි දියුණු කරන්නත් ඔබට පුලුවන්. ඒ සඳහා උනන්දු වන්න.
වෛද්‍ය පණ්ඩුල හා වෛද්‍ය මදුරා ඉදිරිපත් වී සිටිනවා අවශ්‍ය ආධ්‍යාත්මික මගපෙන්වීම කරන්න. ඒක අපට විශාල බලාපොරොත්තුවක් හා ශක්තියක්. ඔබත් මේ ක්‍රියාවලියේ ශක්තිමත් පංගුකාරයෙකු/පංගුකාරියක වෙන්න. හැමෝටම තෙරුවන් සරණයි!

ශ්‍රී දළඳා මාලිගාව ,Temple of the Tooth Relic

අද උදේ ඉඳියප්පන් පාර්සල් 35ක් බෙදාදීලා ශ්‍රී දළඳා මාලිගාවට වැඩම කරලා, මෛත්‍රී භාවනවා කරලා, බොජ්ඣංග සූත්‍ර දේශනා කරන්නට නියමිතයි. උදේ 7.15 මාලිගාවේ ඇති චෛත්‍යය අභියස මේ කටයුත්තේ නිරත වෙනවා. සෑමදෙනාටම ආශීර්වාදයක් වේවා!
Today morning we distribute 35 parcels of string hoppers. Then we sit for the practice of loving kindness and chant Bojjhanga Suttas at the Temple of the Tooth Relic at 7.15 am. This would be a great blessing for everyone!

Seelagawesi Thero

ලියුකේමියා රෝගී දරුවාට ආශිර්වාද

ඊයේ හවස ගලගෙදරදී ලියුකේමියා රෝගී දරුවා හමුවුනා. ඇය හසිනි නිසංසලා මුතුගල. ඇයගේ සුවපත්භාවය උදෙසා උපකාර වන දොලොස්විධ ප්‍රතිපත්ති මාලාවක් සකස් කරගන්නට අපට හැකියාව ලැබුනා. තව මාස තුනක්වත් ඇය ජීවත් නොවන බව ප්‍රකාශ කොට තිබුනත් දෙමව්පිය දෙපළ මහත් සතුටින් ඇයගේ සුවපත්භාවය වෙනුවෙන් සියලු කටයුතු කරන්නට අධිෂ්ඨන කළා.
ලබනවර අපොස සා/පෙල විභාගයට සචිනිත් සමඟම පෙනී සිටින්නට ඇයගේ යෙහෙළියන් දෙදෙනෙකු වන බුද්ධිනි හා කල්පනී විශේෂයෙන් සත්‍යක්‍රියා කරන්නට ඉදිරිපත් වුනා. විශාල උනන්දුවකින් Telepathic Healing කරන්නට බුද්ධිනීගේ අම්මා ඉදිරිපත් වුනා. කල්පනීගේ අම්මා Antioxidents අන්තර්ගත විශේෂ ආහාරයක් සකස් කරන්නට සතුටින් ඉදිරිපත් වුනා.
විශේෂ බෙහෙතක් සකස් කරන්නට අපි මාවනැල්ලේදී එකතු වන්නට තීරණය කළා. Healing Energy උපකාර කරගන්නා අන්දම පිළිබඳ යහපත් පුහුණුවක් හසිනි දියණියගේ දෙමව්පියන් දෙපළට ලබාදුන්නා. ආධ්‍යාත්මික ශක්තීන් ඇසුරින් සුවපත්විමේ ක්‍රම පිළිබඳව හසිනිව උනන්දු කළා.
උපපීළක හා උපඝාතක කර්ම බලවේගයන් අකර්මණ්‍ය කරමින්, දිට්ඨධම්මවේදනීය වශයෙන් විපාක දෙන ඉහළ කුසල කර්මයන්ට හිත යොමුකරන්නට අපි සැවොම උනන්දු වූවා. පැය පහකට අධික කාලයක් කිසිම වෙහෙසක් නැතිව අපි සැම ඇය වෙනුවෙන් කටයුතු කළා. ඇයගේ සුවපත්භාවය පිළිබඳ නිසැක අධිෂ්ඨාන ශක්තියක් උපදවා ගන්නා අපි සැවොම සමත් වුනා.
ඔබත් මේ දියණියගේ සම්පූර්ණ සුවපත්භාවය උදෙසා කළ යුතු යමක් වෙනුවෙන් අප සමඟ අත්වැල් බැඳගන්නා බව අපගේ විශ්වාසයයි. ඇයද දුකට පත් සියලු සත්වයෝද සුවපත් වෙත්වා! සැපවත් වෙත්වා!

සඳුන් පුතා හොඳටම සුවපත් වෙලා

මේ තමයි සඳුන් පුතා . මෙයාගේ වයස අවුරුදු 16යි. වර්ෂ 2014 දී ලියුකේමියා රෝගයට ගොදුරු වුනා. බටහිර වෛද්‍ය ප්‍රතීකාර ලබන අතරවාරයේ අප ඇසුරින් සෙත් පතාගැනීමටත් යෙදුනා. දැන් දරුවා හොඳටම සුවපත් වෙලා. මේ වසරේ දෙසැම්බර් මාසයේ අ.පො.ස. සාමාන්‍ය පෙළ ලියන්නත් සූදානම් වෙනවා. ඔහුගේ නීරෝගීභාවය ද, අභිවෘද්ධිය ද සැලසේවා යන්න අපගේ ප්‍රාර්ථනාවයි!