මහනුවර දළඳා මාලිගාවේ වැඩසටහන

අප්‍රේල් 4 වැනිදා උදේ සුදු නෙලුම් සොයා ගැනීමට නොහැකි වූයෙන් මානෙල් මල් සපයා ගන්නට යෙදුනි. මහනුවර දළඳා මාලිගාවේ චෛත්‍යරාජයාණන් වහන්සේ අභියස තෙරුවන් වන්දනා කර, මෛත්‍රී භාවනාවේ යෙදී, අනතුරුව බොජ්ඣංග සූත්‍ර සජ්ඣායනා කර සියලු ලොවැසියන්හට ආශීර්වාද කරන්නට වූයෙමු.

වාසනා නිශාදි දියණිය

ඊයේ අපි වැඩම කළේ හදිසි අනතුරක් නිසා මොළයට හානි වී දැන් සුවපත්භාවයට පත්වෙමින් සිටින වාසනා නිශාදි දියණිය බලන්නයි. ඇය 2016 අපොස සා/පෙළ විභාගයෙන් හොඳින් සමත්ව උසස් පෙළ සඳහා පාසැල් යන අපේක්ෂාවෙන් සිටියදීයි මේ අනතුරට ලක්වූයේ. අපගේ උත්සාහය වන්නේ සම්පූර්ණ සුවය ලබා පාසැල් කටයුතු නැවත ආරම්භ කිරීම පිණිස උපකාර වෙන්නයි. ඇයගේ කටයුතු වෙනුවෙන් රුපියල් 50000/- පියාණන් අතට දෙන්නට අපට හැකියාවක් ලැබුණු අතර ඒ වෙනුවෙන් උදව් උපකාර වූ අයට කෘතවේදීභාවය පළ කරසිටිමි.

ශ්‍රී දළඳා මාලිගාවේ පූජාව (Wellawatte Seelagawesi Thero)

ශ්‍රී දළඳා මාලිගාවේදී මල් පූජා කිරීමත්, මෛත්‍රී භාවනාවත්, බොජ්ඣංග ධර්ම සජ්ඣායනාවත් ඇසුරින් සියලු ලෝවැසියන්හට සෙත් පතන්නට අවස්ථාව ලැබුනා.

 

මහනුවර දළඳා මාලිගාවේදී බුදුගුණ ආශීර්වාදය Wellawatte Seelagawesi Thero

අද හවස 3.30 ට මහනුවර දළඳා මාලිගාවේදී බුදුගුණ ආශීර්වාදය සිදුකොට පැමිණි හැම දෙනාටම රන්වන් බෝධින් වහන්සේ අසලදී සංග්‍රහයක් කළා. මේ සියලු පින්කම් ඇසුරින් ලෝවැසියන්හට පින් හා දිගාසිරි පතනවා.

පූජ්‍ය වැල්ලවත්තේ සීලග⁣⁣⁣⁣⁣වෙිසි ස්වාමින්වහන්සේ,මහනුවර ශ්‍රී දළදා මාලිගාවේ කල පිංකම

ජනවාරි මස 4 වැනිදා නෙලුම් මල් පූජා කර, මෛත්‍රී භාවනාවේ නිරත වී, මහා කස්සපත්ථේර බොජ්ඣංග පිරිත, මහා මොග්ගල්ලානත්ථේර බොජ්ඣංග පිරිත, මහා චනුදත්ථේර බොජ්ඣංග පිරිත හා බොජ්ඣංග පිරිත දේශනා කර ලෝවැසියන්හට ආශීර්වාද කරන්නට වූයෙමු.

Mahiyangana Bodi Puja

අද උදේ මහියංගන බෝධීන් වහන්සේ ප්‍රදක්ෂිණා කරමින් මල් 500ක් පූජා කොට, ධජග්ග සූත්‍ර දේශනාව කොට, තිලක්ඛණ භාවනා සිදුකොට සියලු ලෝවැසියන්හට ආශීර්වාද කළෙමු. එම අවස්ථාව අපට මහත් භාග්‍යයක් විය. මේ මල් පූජාව සඳහා ලැබුනු අතිරේක ආධාර පසුකාලීන පින්කම්වලට යොදාගනු ඇත.

Dalada Maligawa – Pirith Sajjayana

දෙසැම්බර් මස 12 වැනිදා හවස මහනුවර ශ්‍රී දළඳා මාලිගාවේදී ගිරිමානන්ද සූත්‍ර දේශනාව සජ්ඣායනා කළ අතර පිරිත් නූල් බෙදා දෙනු ලැබීය.
මේ පින්තූර එවීම සම්බන්ධයෙන් නිමන්තට කෘතවේදීභාවය පළ කර සිටිමි.

Well wishing to a heart patient

ඊයේ රාත්‍රියේදී හදවත් සැත්කමකට භාජනය කළ, දෙමස් වියැති පුතෙකුට සෙත් පතන්න, දැඩි සත්කාර ඒකකයට අද වැඩම කළා. දරුවා හොඳට දෑස් ඇර අපගේ සෙත්පැතීම් භාරගත්තා. ඔහුගේ නීරෝගීභාවය තහවුරු වන බව අපගේ බලවත් විශ්වාසයයි.
කයොන් නම් මේ පුතුගේ සුවපත්භාවය වෙනුවෙන් දායක වන්නට කැමැති කෙනෙක් වේ නම් ඇනවුම් පිරිත, මෙත්තානිසංස සූත්‍රය, ඛන්ධ පිරිත, කරුණීයමෙත්ත සූත්‍රය හා ජය පිරිත දේශනා කර සෙත් පතන්න.

Dalada Maligawa Pirith Sajjayana /Seelagawesi Thero

අද උදේ දුප්පත් අයට ඉඳියප්පන් පාර්සල් බෙදාදීමෙන් පසු සුදු නෙලුම් මල් පූජාව, මෛත්‍රී භාවනාව හා බොජ්ඣංග දේශනාව මහනුවර දළඳා මාලිගාවේදී සිදු කර ඇති බව සතුටින් සිහිපත් කරමි. සියලු සත්වයෝ නිදුක් වෙත්වා! නීරෝගී වෙත්වා! සුවපත් වෙත්වා!

සීලගවේසී හාමුදුරුවෝ ,Seelagawesi Thero