Donations to pregnant mothers

ගර්භනී මාතාවන් 12 දෙනෙකු වෙනුවෙන් දහම් වැඩ සටහනක් සංවිධානය කළා. එය අද සිදුකළේ වත්තේගම, ඇල්කඩුව පාරේ, ජයවර්ධන මහත්මාගේ නිවසේදීයි. චන්ද්‍රා මැණිකේ නංගී හා දරු පිරිසත්, අසල්වාසී මිතුරු පිරිසත් ගොඩක් උදව් උපකාර කළා. නිරර්බුද පවුල් සංස්ථාවක් උදෙසා සැලකිය යුතු කරුණු පැහැදිලි කරදෙන්නට මාහට අවස්ථාව ලැබුනා.

Donation to Kandy Hostpital

අද හවස මහනුවර ජාතික රෝහලට වැඩම කළ මා 73/74 ස්නායූ ශල්‍යය වෛද්‍ය ඒකකයට රුපියල් ලක්ෂයක මුදලක් පරිත්‍යාග කරන්න කටයුතු කළා. මෙසේ විටින් විට රුපියල් ලක්ෂ පහක් වන තෙක් පරිත්‍යාග කරන්නයි බලාපොරොත්තු වන්නේ.

වැස්සී පැටියා නිදහස් කිරීම

ඔක්තෝබර මස 4වැනි ඉරිදා මේ වැස්සී පැටියා නිදහස් කරගත්තා. උඳුලා යනුවෙන් ඇය නම් කළා. ගෝමරයේ ජීවත්වන ගනේෂ් රාවන් නම් තැනැත්තාට පරිත්‍යාග කළා.

ගවයින් නිදහස් කිරීම

අද දින නිදහස් කළ ගවයින් දෙදෙනාගෙන් එක්කෙනෙක් මේ. මැය නම් කළේ ජීනා කියලා. තිදරු පියෙකු වන රංජිත් රාජාටයි. මේ අත්වන පින් සියලු ලෝවැසියන්ගේ නිදුක් නීරෝගීභාවය පිණිස අනුමෝදන් කරනවා.

ආහාර ද්‍රව්‍ය පාර්සල් බෙදා දීම

රුපියල් දෙදහස් පන්සීයක් වටිනා වියළි ආහාර ද්‍රව්‍ය පාර්සල් 30ක් බෙදාදෙන්නට අප ගත් තීරණය අද දියත් කරන්නට හැකි විය. අද දහ දෙනෙකු නොපැමිණි බැවින් ඒ අයට පසුව දෙන්නයි අපගේ අදහස. පාරමී කුසල් දහම් දියුණු කරගන්නට කාටත් ශක්තිය හා ධෛර්යය ලැබේවා!

ගර්භනී මාතාවන් 25 දෙනෙකුට වියළි ආහාර

ගර්භනී මාතාවන් 25 දෙනෙකුට මෙසේ වියළි ආහාර ලබාදෙන්නට කටයුතු කළා. ගෝමරයේදීත්, වත්තේගමදීත් මෙම කටයුත්ත කරන්නට අවස්ථාව සලස්වා ගත්තා. පසුගිය කාලයේ මහත් අපහසුතාවයට පත් ජනතාව කෙරෙහි මෙසේ කාරුණික වන්නට අවස්ථාව ලැබීම ගැන සතුටු වන අතර ඒ සඳහා සහයෝගය දුන් හැමෝටම කෘතවේදීභාවය පළ කර සිටිනවා.

Donations to Panwila

අද සමන් අයියා ගොඩාක් උනන්දු වුනා මේ ආහාර බඩු ටික සම්පාදනය කරගන්න. හාල් කිලෝ පහේ බෑග් 100ක් වටානා පරිප්පු කිලෝ එකේ පාර්සල් 100ක්, බීළූණු කිලෝ එකේ පාර්සල් 100ක් හා හාල්මැස්සන් ග්‍රෑම් 500 පැකට් 100ක් සඳහා රුපියල් 35000/- මුදලක් පන්විල ප්‍රාදේශීය සභාවට පරිත්‍යාග කළා. ඒ අය ආහාර හිඟම අයට දෙන්නයි සූදානම් වන්නේ. මේ අසීරු කටයුත්ත වෙනුවෙන් උදව් උපකාර කළ සෑම දෙනාටම අපගේ කෘතවේදීභාවය පළ කරසිටිනවා.
සියලු සත්වයෝ නිදුක් වෙත්වා! නීරෝගී වෙත්වා! සුවපත් වෙත්වා!