Loving kindness never makes any sense of conflicts. That is why we should develop kindness.
Month: April 2017
අපට සැනසීමක් වන රටට ලෝකයට ආශීර්වාදයක් වන සතර බ්රහ්මවිහරණ පුරුදු පුහුණු කරමු.
One becomes a peace maker, when compassion is activated with wisdom. Appreciative joy may comfort the world with concentration and effort. He may leave everything with pleasure as he practices let go.
April Meditation program
වත්තේගම, ඇල්කඩුව පාරේ, උපාලි අයියලාගේ නිවසේ, කුමාරි නංගිගේ මූළිකත්වයෙන් ආරම්භ කළ, භාවනා වැඩ සටහන බොහෝම හොඳින් සිදුවෙනවා. 30 දෙනෙකුට වැඩි පිරිසක් ඊයේ සහභාගී වූවා. ග්රාමසේවක අක්කාගේ නිවස කාන්තාවන්ට නේවාසික වෙන්න වෙන් කරලා. හැමෝම සතුටින් හා උනන්දුවෙන් කටයුතු කරන බව දකින්නට ලැබෙනවා.
The meditation program is being conducted at Upali Ayya’s home which is at Elkaduwa Road, Wattegama. Kumari Premarathne has taken the responsibility of organizing. Gramasevaka Akka has given accommodations for ladies. There were more than 30 participants yesterday. It is clear to observe that everyone is happy to attend this meditation program.
50 silver Dhammacakkhas
Today I was offered 50 silver Dhammacakkhas. This contribution was done by Vogue Jewellers. Pvt. Lt. I am going to chant Jinapanjaraya 1000 times and distribute with children those who are sick.
චේතනාව මුල් කරගත් යම් ආකාරයක ක්රියාවක් වේද එය කර්මය යනුවෙන් හඳුන්වා දෙන්නට අප තථාගත සම්මා සම්බුදුරජාණන් වහන්සේ ඉදිරිපත් වූහ.
සිහිය දියුණු කරන්නට කැමැත්තක් ඇති කරගෙන, ඒ අනුව සිත පුරුදු පුහුණු කරන්නේ නම්, වඩාත් හොඳ අවබෝධයකින් කටයුතු කරන්නට එම පුහුණුව උපකාර වන්නේ ය.
නුවණින් විමසා බලා ඒ ඒ තැන සුදුසු කටයුත්ත කුමක්ද? එයින් ලැබෙන ප්රතිඵල කෙබඳු වේද? එම කටයුත්ත කෙරෙහි ලෝකයා කෙබඳ ප්රතිචාරයක් දක්වයිද? මේ ආදී වශයෙන් විමසා බලා කටයුතු කරන්නට උනන්දු වේද එය වඩාත් හොඳ අවබෝධයක් පිණිස උපකාර වේ.
සෑම අවස්ථාවකම වීර්යය මතු කරගන්නටත්, කොපමණ කරදර කම්කටොලු මතුවුනත් වීර්යයම පවත්වන්නටත් සිත හුරුපුරුදු කිරීම වටි. කළ යුතු දේ කරන්නත්, නොකළ යුතු දේ වළක්වන්නත් වීර්යයම උපකාර වන අතර වඩාත් හොඳ අවබෝධයක් ඇතිව කටයුතු කරන්න වීර්යය පිටිවහලක් වේ.
අප මුහුණ දෙන ගැටලු, ප්රශ්න, දුක්කරදරවල ප්රමාණය මෙපමණයි කියා කිසිවිටෙකත් කිය නොහැකිමය. ඒ කවරම ප්රශ්නයක් නමුත් හොඳින් භාරගෙන සතුටින් කටයුතු කරන්නට අපි පුරුදු පුහුණු විය යුත්තේ මය. නිතර සතුට අත්දකින අය ශක්තිමත් ව ප්රශ්නවලට මුහුණ දෙති. මෙයද වඩාත් හොඳින් අවබෝධය දියුණු කරගන්න උපකාර වේ.
සිතේ සතුට නිතරම පවත්වාගත යුතු අතරම සිත ගත දෙකම සැහැල්ලුවෙන් පවත්වන්නත් අපි ඉගෙන ගත යුතු වන්නේමය. ඒ ඒතැන සුදුසු පරිදි නම්යශීලීවීමත්, දැඩිව ගැනීම අතහැරීමත් සැහැල්ලුව පහසු කරන්නට උපකාර වන බව පෙනේ. පස්සද්ධිය නම් වූ සැහැල්වෙන් කටයුතු කිරීමත් අවබෝධය පිණිස වැදගත් ම වේ.
චිත්ත ඒකාග්රතාවය පුරුදු පුහුණු කළ යුතුම වන්නේය. නොසන්සුන් වන කල්හි බියද, නපුරුකමද, සැකයද. අසරණකමද, සංතාපයද, ඉච්ඡාභංගත්වයද සිත තුල රජ වේ. එබැවින් සිත ශක්තිමත් කිරීම පිණිස සමාධිය දියුණු කළ යුතුවේ. චිත්ත සමාධියද අවබෝධය පිණිස උපකාර වේ.
දුක සැප. ලාභ අලාභ, නින්දා ප්රසංශා, කීර්ති අපකීර්ති යන අෂ්ඨලෝක ධර්මයන් අප කාටත් අත්දකින්නට සිදුවේ. මේවා හමුවේ කම්පාවීම මානසික අස්ථාවරය ඇතිවීමටත්, අනපේක්ෂිත දුක්දොම්නස්වලට හිමිකම් කියන්නත් හේතුවේ. එසේම ජීවිතය අනාරක්ෂිත වේ. එබැවින් මේ සියල්ල උපේක්ෂාවෙන් ගන්න ඉගෙන ගන්නත් උපේකෂාව දියුණු කරන්නත් අපට හොඳ පුහුණුවක් අවශ්ය වේ. එය අවබෝධයෙන් කටයුතු කිරීමට ඍජුවම උපකාර වේ.
ඊයේ රාත්රියේ බොජ්ඣංග ධර්ම අපගේ භාවනාවට අරමුණු කළ හෙයින් මෙසේ සරල විග්රහයක් කරන්නට මසිත උනන්දු විය. ඔබත් යම් අන්දමක වටිනාකමක් දකින්නේ නම් අපගේ ව්යායාමයට එය ඉමහත් දිරිගැන්වීමක් වන්නේ මය.
ලියුකේමියා රෝගී දරුවාට ආශිර්වාද
ඊයේ හවස ගලගෙදරදී ලියුකේමියා රෝගී දරුවා හමුවුනා. ඇය හසිනි නිසංසලා මුතුගල. ඇයගේ සුවපත්භාවය උදෙසා උපකාර වන දොලොස්විධ ප්රතිපත්ති මාලාවක් සකස් කරගන්නට අපට හැකියාව ලැබුනා. තව මාස තුනක්වත් ඇය ජීවත් නොවන බව ප්රකාශ කොට තිබුනත් දෙමව්පිය දෙපළ මහත් සතුටින් ඇයගේ සුවපත්භාවය වෙනුවෙන් සියලු කටයුතු කරන්නට අධිෂ්ඨන කළා.
ලබනවර අපොස සා/පෙල විභාගයට සචිනිත් සමඟම පෙනී සිටින්නට ඇයගේ යෙහෙළියන් දෙදෙනෙකු වන බුද්ධිනි හා කල්පනී විශේෂයෙන් සත්යක්රියා කරන්නට ඉදිරිපත් වුනා. විශාල උනන්දුවකින් Telepathic Healing කරන්නට බුද්ධිනීගේ අම්මා ඉදිරිපත් වුනා. කල්පනීගේ අම්මා Antioxidents අන්තර්ගත විශේෂ ආහාරයක් සකස් කරන්නට සතුටින් ඉදිරිපත් වුනා.
විශේෂ බෙහෙතක් සකස් කරන්නට අපි මාවනැල්ලේදී එකතු වන්නට තීරණය කළා. Healing Energy උපකාර කරගන්නා අන්දම පිළිබඳ යහපත් පුහුණුවක් හසිනි දියණියගේ දෙමව්පියන් දෙපළට ලබාදුන්නා. ආධ්යාත්මික ශක්තීන් ඇසුරින් සුවපත්විමේ ක්රම පිළිබඳව හසිනිව උනන්දු කළා.
උපපීළක හා උපඝාතක කර්ම බලවේගයන් අකර්මණ්ය කරමින්, දිට්ඨධම්මවේදනීය වශයෙන් විපාක දෙන ඉහළ කුසල කර්මයන්ට හිත යොමුකරන්නට අපි සැවොම උනන්දු වූවා. පැය පහකට අධික කාලයක් කිසිම වෙහෙසක් නැතිව අපි සැම ඇය වෙනුවෙන් කටයුතු කළා. ඇයගේ සුවපත්භාවය පිළිබඳ නිසැක අධිෂ්ඨාන ශක්තියක් උපදවා ගන්නා අපි සැවොම සමත් වුනා.
ඔබත් මේ දියණියගේ සම්පූර්ණ සුවපත්භාවය උදෙසා කළ යුතු යමක් වෙනුවෙන් අප සමඟ අත්වැල් බැඳගන්නා බව අපගේ විශ්වාසයයි. ඇයද දුකට පත් සියලු සත්වයෝද සුවපත් වෙත්වා! සැපවත් වෙත්වා!
We met farmers at Polpithigama
It was beautiful program. We could discuss the important of practice of Metta and avoid harms between humans and elephants. We could distributed a lot of items with them.
They are really hard working people. They produce beetroot, Radish and some other vegetables to Sri Lankan Market.
ධාතු තැන්පත් කිරීම
අති ගෞරවණීය පූජ්යපාද වැල්ලවත්තේ සීලගවේෂි මාහිමිපාණන් වහන්සේගේ ප්රධානත්වයෙන් හා අනුශාසනා යටතේ පිංවත් කනක ගුණතිලක මහත්මිය විසින් ඉන්දියාවේ කුසිනාරා නුවර සිට වඩමවන්නට යෙදුන උත්තම වූ වන්දනීය ශ්රි සර්වඥ ධාතුන් වහන්සේලා දෙනමක් සදුන් අරණ භාවනා මධ්යස්ථානයට පූජා කරන්නට යෙදුනා.
මේ අවස්ථාවට වැඩමවා වදාළ ශ්රි සුමේධ භාවනා මධ්යස්ථානාධිපති පූජණීය සාගර සුමන ස්වාමීන් වහන්සේ හා අනුශාසක පූජණීය සිරි නන්ද ස්වාමින් වහන්සේ විසින් විසිතුරු ආකාරයෙන් බුද්ධ පූජා පවත්වා මාහිමියන්ගේ ප්රධානත්වයෙන්, අනුශාසනා හා බුද්ධ වන්දනා සිදුකිරීමෙන් අනතුරුව දෙවියන් ප්රධාන සියලු සත්ව ප්රජාවටම පිංපෙත් අනුමෝදන් කරන්නට යෙදුනා.
මෙම අවස්ථාවට විශේෂ අනුග්රහය දැක්වූ මනෝහර රත්නායක මහත්මාටත් නොරිකා රත්නායක එම මහත්මියටත් නිදුක් නිරෝගීව සුවසේ පාරමී පුරා ගැනීමට ලැබේවා ,
ඒ වගේම මහා සංඝ රත්නයට හා සහසම්භන්ධ වූ සියලු පිංවතුන්ට දානය පූජා කොට අනුග්රහය දැක්වූ පිංවත් ප්රියන්ත අකුරුගම මහත්මාටත් එම පවුලේ සියලු දෙනාටත් සුවසේ පාරමී පුරාගෙන ප්රාර්ථණීය බෝධියකින් අමෘත මහා නිර්වාණ ධාතුව අවබෝධ කරගැනීමට ලැබේවා ,
මෙම උතුම් පිංකම සදහා ඉතාමත් ශ්රද්ධාවෙන් යුතුව සහසම්බන්ධ වූ මෙම සෙනසුනට අයත් ඉඩම පූජාකල ජයවීර මහත්මාටත් දැක සිත පහදවාගත් සියලු දෙනාටත්, උදවු උපකාර කල සැමටත් රත්නත්රයානුභාව බලයෙන් දෙලොව සුබ සෙතත් ශාන්ති ලක්ෂණ නිර්වාණ ධාතුවත් සුවසේම සාක්ෂාත් වේවා !!
මෙපිං කැමති සියලු දෙනාම
සතුටු සිතින් පිං අනුමොදන් වෙත්වා !!!
අප්රේල් මස 28 වැනි දා සිට 30
අප්රේල් මස 28 වැනි දා සිට 30 වැනිදා දක්වා භාවනා වැඩ සටහනක් ගෝමරය ශ්රී සුමේධ භාවනා මධ්යස්ථානයේදී, මෙහෙය වන්නට වැල්ලවත්තේ සීලගවේසී ස්වාමීන් වහන්සේ අදහස් කර සිටිනවා.
මේ භාවනා වැඩ සටහනට සම්බන්ධ වෙන්න කැමැති අය අපට දන්වන්න.
උදේ දානය, දහවල් දානය හා හවස ගිලන්පස වෙනුවෙන් දායක වන්නට කැමැති අය වේ නම් අපට දන්වන්න.
අපගේ මේ අංකයට කථා කරන්න. 0719944772
තෙරුවන් සරණින් යහපතම වේවා!